എങ്ങോട്ട് തിരിഞ്ഞു നോക്കിയാലും മനോഹാരിതകൾ നിറഞ്ഞ ഈ ഭൂമി... കോടാനുകോടി ഗാലക്സികൾക്കിടയിൽ പച്ചപ്പും വെള്ളവും ജീവനുമുള്ള ഏക ഗ്രഹം... ശതകോടിക്കണക്കിനു അനുഗ്രഹങ്ങളുടെ വലയത്തിനകത്താണ് ഞാൻ ജീവിച്ചു കൊണ്ടിരിക്കുന്നത് എന്നറിയുമ്പോൾ മനസ്സ് കൃതജ്ഞതയുടെ ആഴങ്ങളിലേക്ക് എത്തുന്നു... അത് നൽകുന്ന ആന്തരിക നിർവൃതി ഒരു വാക്കുകൾക്കും വിവരിക്കാനാവാത്തതാണ്.... ഈ ജീവിതം തന്നെ അതി മനോഹരമാണ്... ഈ ജീവൻ തന്നെ അതി സുന്ദരമാണ്...
ചുറ്റും എനിക്ക് വേണ്ടി പൂക്കൾ നൃത്തമാടുന്നു.... കുയിലുകൾ ഗാനമാലപിക്കുന്നു.. മയിലുകൾ നടന നൃത്തമാടുന്നു ... മുകളിൽ അമ്പിളിമാമൻ അഴകാർന്ന വെളിച്ചം പ്രസരിപ്പിക്കുന്നു... കോടാനു കോടി നക്ഷത്രങ്ങൾ എനിക്കുവേണ്ടി അലംകൃതമായി പ്രകാശിക്കുന്നു... എത്ര നോക്കിയാലും വീണ്ടും വീണ്ടും നോക്കാൻ തോന്നുന്ന പച്ചപ്പുകളും മരങ്ങളും ചെടികളും എനിക്ക് വേണ്ടി ചുറ്റും പഴങ്ങളും പൂക്കളും നൽകിക്കൊണ്ടേയിരിക്കുന്നു... നൂറുക്കണക്കിനു നിറങ്ങൾ കൊണ്ട് അനുഗ്രഹീതമായ പക്ഷികളും പൂമ്പാറ്റകളും എനിക്ക് വേണ്ടിയല്ലാതെ പിന്നെയാർക്കു വേണ്ടിയാണ് എനിക്ക് ചുറ്റും പാറിപ്പറന്നുകൊണ്ടിരിക്കുന്നത്...
എത്ര ആസ്വദിച്ചാലും മതിവരാത്ത തുമ്പികളും പൂക്കളും പച്ചപ്പ്‌ നിറഞ്ഞ മലകളും കാടും കാട്ടാറും പുഴകളും തോടും കുളവും വയലും കടലും തിരമാലയും പഞ്ഞിക്കെട്ടായ കാർമേഘങ്ങളും മഴയും മഞ്ഞും എല്ലാം കോടാനുകോടി ഗാലിക്സികൾക്കിടയിൽ എന്റെ ഭൂമിക്ക് മാത്രം സ്വന്തം. എന്റെ ഭൂമി അപൂർവങ്ങളിൽ അപൂർവമായ രത്നമാണ്.... എത്ര പറഞ്ഞാലും തീരാത്ത അപൂർവതകൾ എത്ര ആസ്വദിച്ചാലും തീരാത്ത മനോഹാരിതകൾ. ഇതിനേക്കാൾ വലിയ എന്താണ് ഇനി ഞാൻ നേടാനുള്ളത്!!!
ഇവിടെ ജന്മം എടുക്കാൻ സാധിച്ചു എന്നതിനേക്കാൾ വലിയ എന്തൊരു ഭാഗ്യമാണ് ഇനി എനിക്ക് നേടിയെടുക്കാനുള്ളത്!
ഇവയെല്ലാം നൽകപ്പെട്ടു എന്നതിനേക്കാൾ വലിയ എന്തൊരു അംഗീകാരമാണ് എനിക്ക് ഇനി വരാനുള്ളത്!!
ഇവയെക്കാൾ എല്ലാം വലിയ എന്തൊരു സമ്പത്താണ് ഇനി എനിക്ക് സമ്പാദിക്കാനുള്ളത്!!!!
ഞാൻ അംഗീകരിക്കപ്പെട്ടിരിക്കുന്നു! ഞാൻ സ്വീകരിക്കപ്പെട്ടിരിക്കുന്നു!! ഇവിടെ എന്നെ കൊണ്ടുവന്നു എന്നുള്ളത് തന്നെ, ഇതിനെല്ലാം ഞാൻ അർഹനാണ് എന്നുള്ളതിന് തെളിവാണ്. ഞാൻ അർഹനാണ്, ഞാൻ അർഹതയുള്ളവനാണ്.
ഇത് എനിക്ക് നൽകുന്ന ആത്മ നിർവൃതി വളരെ വലുതാണ്. ഇത് എനിക്ക് നൽകുന്ന ആന്തരിക സന്തോഷം എല്ലാ വാക്കുകൾക്കും അതീതമാണ്. ഇത് എന്നെ വിനയാന്വിതനാക്കുന്നു, വിനീതനാക്കുന്നു. എന്റെ ജീവിതത്തെ ഞാൻ സ്നേഹിക്കുന്നു. എന്നെയും എന്റെ ചുറ്റുപാടുള്ളവരെയും എല്ലാവരെയും, സകല ജീവികളെയും എല്ലാറ്റിനെയും ഞാൻ സ്നേഹിക്കുന്നു. എല്ലാറ്റിനോടും വല്ലാത്തൊരു കടപ്പാട് ഫീൽ ചെയ്യുന്നു. വല്ലാത്തൊരു കൃതജ്ഞത, വല്ലാത്തൊരു ആദരവ്, വല്ലാത്തൊരു ബഹുമാനം, വല്ലാത്തൊരു സ്നേഹം, ഹൃദയത്തിന്റെ ആഴങ്ങളിൽ നിന്നും വരുന്ന സ്നേഹം.
ഞാൻ ഇവിടെ സ്നേഹമായി മാറുകയാണ്. ഞാൻ ഇവിടെ സന്തോഷവാനായി മാറുകയാണ്. സന്തോഷവും സ്നേഹവും മാത്രമാണ് എന്നിൽ നിന്നും നിർഗളിക്കുന്നത്. അത്ര സുന്ദരമായ ഭൂമിയിൽ വേറെന്ത് ആലോചിക്കാനാണ്, വേറെന്ത് ചിന്തിക്കാൻ. സന്തോഷിക്കുക സ്നേഹിക്കുക ആദരിക്കുക ബഹുമാനിക്കുക എന്നതല്ലാതെ മറ്റെന്ത് ചെയ്യാനാണ്.
MOINU
Successvalley Counselling Centre
9746919984
ഇന്റര്‍നാഷണല്‍ സെര്‍ട്ടിഫൈഡ് ട്രെയിനറും NLP മാസ്റ്റര്‍ പ്രാക്ടീഷനറും, സക്‌സസ് ലൈഫ് കോച്ചുമായ എഴുത്തുകാരന്‍കണ്ണൂര്‍ ജില്ലയിലെ മുല്ലക്കൊടി എന്ന പ്രദേശത്ത് ജനനം. നിയമത്തില്‍ ബിരുദമെടുത്ത അദ്ദേഹം ഓര്‍മവെച്ച നാളുമുതല്‍ മന:ശാസ്ത്രത്തിലും ജീവിത വിജയ രഹസ്യങ്ങളുടെ പഠനത്തിലും താല്‍പര്യമായതിനാല്‍ പാഠ്യേതര വിഷയങ്ങളില്‍ നിരവധി കോഴ്‌സുകള്‍ ചെയ്തു. NLP (Neuro Linguistic Programming), TA (Transactional Analysis), CBT (Cognitive Behavioural Therapy), REBT, കൗണ്‍സെലിങ്, സൈക്കോതെറാപ്പി, ESP (Extra Sensory Power), മെഡിറ്റേഷന്‍, യോഗ, പ്രാണിക് ഹീലിങ്, ഹിപ്‌നോ തെറാപ്പി, തീറ്റ ഹീലിങ്, സില്‍വാ അള്‍ട്രാമൈന്റ് സിസ്റ്റം മുതലായ പല കോഴ്‌സുകളും ഇന്ത്യക്കകത്തും പുറത്തുമുള്ള ഗുരുക്കന്‍മാരില്‍നിന്നും പഠിച്ചു. കേരളത്തിലെ വിവിധ ടി.വി ചാനലുകളില്‍ വ്യത്യസ്ത വിഷയങ്ങള്‍ കൈകാര്യം ചെയ്തിട്ടുണ്ട്. ഇംഗ്ലീഷ് ഭാഷ NLP യുടെ സഹായത്തോടെ എളുപ്പത്തില്‍ പഠിക്കുന്നതിന് തയ്യാറാക്കിയ 'ഇംഗ്ലീഷ് ഈസ് ഈസി' എന്ന പുസ്തകം രചിച്ച എഴുത്തുകാരന്‍ ഷാര്‍ജ ഇന്റര്‍നാഷണല്‍ ടി.വിയില്‍ വിവിധ വിഷയങ്ങളെ അധികരിച്ച് പല ക്ലാസുകളും ചര്‍ച്ചകളും നടത്തിയിട്ടുണ്ട്. അന്താരാഷ്ട്ര ട്രെയിനറും മോട്ടിവേഷണല്‍ സ്പീക്കറുമായ എഴുത്തുകാരന്‍ കഴിഞ്ഞ 23 വര്‍ഷങ്ങളായി മലയാളത്തിലും ഇംഗ്ലീഷിലുമായി നിരവധി ട്രെയിനിങ്ങുകളും സെമിനാറുകളും വര്‍ക്ക് ഷോപ്പുകളും സ്വദേശത്തും വിദേശത്തുമായി നടത്തിവരുന്നു.
I am intensely delightful to present an incredible gift to you. It is a 150 pages book's audio version totally free. You will discover the real power of you through this life-changing audio book. Anyone has the competence to become an extraordinary person. In fact, it is what you were born to be. Subscribe now to obtain this incredible gift.
നിങ്ങളുടെ മനസ്സിന്റെ നെഗറ്റീവ് ബ്ലൂപ്രിന്റ് മാറ്റാൻ നിങ്ങൾ തയ്യാറുണ്ടോ?
കുട്ടികളാണോ മുതിർന്നവരാണോ കൂടുതൽ ഹാപ്പിയായി കാണപ്പെടുന്നത്?
നിങ്ങളുടെ ജീവിത സാഹചര്യവുമായി നിങ്ങൾക്ക് ചെയ്യാൻ സാധിക്കുന്നത് രണ്ടു കാര്യങ്ങളാണ്.
ഭർത്താവ് ഭാര്യയോട് പറഞ്ഞു: "എടീ നോക്കൂ....
ആത്മഹത്യയുടെ കാര്യത്തിൽ ഇന്ത്യയിലെ മറ്റു സംസ്ഥാനങ്ങളിൽ മൂന്നാം സ്ഥാനത്താണ് നമ്മൾ ഉള്ളത്.
എങ്ങോട്ട് തിരിഞ്ഞു നോക്കിയാലും മനോഹാരിതകൾ നിറഞ്ഞ ഈ ഭൂമി...
ഹൃദയാരോഗ്യവുമായി ബന്ധപ്പെട്ട ഒരു ചോദ്യം
കേരളത്തിലെ ഡൈവോഴ്സ് റേറ്റ്
വിട്ടുമാറാത്ത അസുഖത്തിന് അടിമയാണോ നിങ്ങള്‍...?
കുട്ടിക്കളി മാറാത്തവരോട്...
